ეროვნული ბანკი მოქალაქეებს სოციალურ ქსელებში ფინანსური პირამიდების შესახებ აფრთხილებს
საქართველოს ეროვნული ბანკი მოქალაქეებს სოციალურ ქსელებში გავრცელებული საინვესტიციო შეთავაზებების მიმართ განსაკუთრებული სიფრთხილისკენ მოუწოდებს. მარეგულირებლის ინფორმაციით, Facebook-ის გვერდებსა და ჯგუფებში აქტიურდება კამპანიები, რომლებიც მომხმარებლებს კრიპტოაქტივებით ვაჭრობაში თანხის ჩადებისა და მაღალი შემოსავლის მიღებას სთავაზობენ.
ეროვნული ბანკის მომხმარებელთა უფლებების დაცვის დეპარტამენტის ხელმძღვანელის, ლაშა გოზირიშვილის, განცხადებით, მსგავსი მოდელი შესაძლოა კლასიკურ ფინანსურ პირამიდას წარმოადგენდეს. ასეთ სქემებში ახალი მონაწილეების მიერ შეტანილი თანხები ხშირად გამოიყენება ძველი მონაწილეებისთვის თითქოსდა მოგების გადასახდელად. მარეგულირებელი მოქალაქეებს ურჩევს, ფულის ჩადებამდე რისკები დეტალურად შეაფასონ და განსაკუთრებით ფრთხილად იყვნენ სოციალურ ქსელებში გავრცელებულ სწრაფი გამდიდრების დაპირებებთან.
თქვენი რეაქცია?
მომწონს
0
საყვარელი
0
ვაუ
0
სასაცილო
0
ტირილი
0
აღშფოთება
0
არ მომწონს
0
კომენტარები (0)