„ატომი“ სერიულ წარმოებაში შევიდა — რას უნდა ველოდოთ პირველ რუსულ ელექტრომობილს

„ატომი“ აღჭურვილია 77 კვტ·სთ სიმძლავრის ბატარეით, ხოლო ერთი დამუხტვით მისი სავალი მარაგი WLTC ციკლით 500 კმ-მდეა. ელექტროძრავის სიმძლავრე 204 ცხენის ძალას შეადგენს, 0-დან 100 კმ/სთ-მდე აჩქარებას კი დაახლოებით 7 წამი სჭირდება. ავტომობილის ერთ-ერთი გამორჩეული თავისებურებაა ცენტრალური საყრდენის გარეშე შექმნილი კონსტრუქცია და უკანა კარების მოძრაობის საწინააღმდეგო მიმართულებით გაღება.

„ატომი“ ასევე გამოირჩევა ციფრული ფუნქციებით: მას აქვს საკუთარი ოპერაციული სისტემა, საჭეში ინტეგრირებული ეკრანი, პროექციული დისპლეი, ხმოვანი ასისტენტი და მძღოლის დამხმარე სისტემები. კომპანიაში აცხადებენ, რომ უახლოეს ეტაპზე წარმოების ტემპი ცვლაში 20 ავტომობილამდე გაიზრდება, ხოლო 2026–2027 წლებში ჯამში 10 ათასამდე ავტომობილის გამოშვებაა დაგეგმილი.