თბილისში აფხაზი ბლოგერი დაურ ბუავა გარდაცვლილი იპოვეს — გამოძიება მიმდინარეობს
თბილისში, საკუთარ საცხოვრებელ ბინაში, აფხაზი ბლოგერი და TikTok-კრეატორი დაურ ბუავა გარდაცვლილი იპოვეს. მისი გარდაცვალების მიზეზი ამ ეტაპზე დადგენილი არ არის. შინაგან საქმეთა სამინისტროს ინფორმაციით, შემთხვევაზე გამოძიება სისხლის სამართლის კოდექსის 115-ე მუხლით მიმდინარეობს. უწყების ცნობით, ცხედრის პირველადი დათვალიერებისას ძალადობის ნიშნები არ გამოვლენილა, ხოლო ცხედარი სასამართლო ექსპერტიზის ეროვნულ ბიუროში გადაასვენეს.
ბუავა საზოგადოებისთვის ცნობილი იყო ქართულ-აფხაზურ ურთიერთობებზე შექმნილი ვიდეოებით და ორ საზოგადოებას შორის მშვიდობიანი თანაცხოვრებისა და ურთიერთობის მხარდაჭერით. ის ოკუპირებული აფხაზეთიდან საქართველოს კონტროლირებად ტერიტორიაზე 2021 წელს გადავიდა, ხოლო 2022 წელს საქართველოს მოქალაქეობა მიიღო. ბუავას საქმიანობას ოკუპირებული აფხაზეთის დე ფაქტო ხელისუფლებაც აკრიტიკებდა და მას რამდენიმე წლის წინ „სახელმწიფო ღალატში“ ადანაშაულებდა. უფლებადამცველებმა გარდაცვალების მიზეზის სრულყოფილი და ობიექტური გამოძიების აუცილებლობას გაუსვეს ხაზი, განსაკუთრებით იმის გათვალისწინებით, რომ ბუავა, მათი ინფორმაციით, საკუთარ შეხედულებებთან დაკავშირებით მუქარებს იღებდა. ამ ეტაპზე მისი გარდაცვალების მიზეზზე საბოლოო დასკვნა არ არსებობს.
წყარო: Civil.ge
თქვენი რეაქცია?
მომწონს
0
საყვარელი
0
ვაუ
0
სასაცილო
0
ტირილი
0
აღშფოთება
0
არ მომწონს
0
კომენტარები (0)