მეცნიერებმა თავის ქალაში აქამდე უცნობი იმუნური ორგანო აღმოაჩინეს

მეცნიერების ვარაუდით, ისინი შესაძლოა ერთგვარი „უსაფრთხოების სადგურის“ ფუნქციას ასრულებდნენ და თავის ტვინის დასაცავად იმუნურ პასუხს სწრაფად ააქტიურებდნენ. კვლევის ამ ეტაპზე აღმოჩენა თაგვებზეა დადასტურებული. მკვლევრებმა თავის ქალის ძვლის ტვინში აღმოაჩინეს ლიმფური კვანძების მსგავს სტრუქტურები, სადაც იმუნური უჯრედები მრავლდებიან და კონკრეტული საფრთხეების წინააღმდეგ ბრძოლისთვის ემზადებიან. განსაკუთრებული ყურადღება კვლევამ თავის ტვინის სიმსივნეების მოდელებზე ჩატარებული ექსპერიმენტების გამო მიიპყრო. როდესაც მკვლევრებმა ეს სტრუქტურები დააზიანეს, სიმსივნის ზრდა უფრო სწრაფი აღმოჩნდა. ხოლო იმუნური აქტივობის გაძლიერებამ თაგვებში უფრო ძლიერი ანტისიმსივნური პასუხი გამოიწვია. მეცნიერები ხაზს უსვამენ, რომ ჯერ ადრეა იმის თქმა, რომ იგივე მექანიზმი ადამიანებში სრულად არსებობს. თუმცა ადამიანის თავის ქალის ძვლის ტვინში მსგავსი იმუნური უჯრედების არსებობის ნიშნები უკვე არსებობს. თუ მომავალმა კვლევებმა ეს მექანიზმი ადამიანებშიც დაადასტურა, აღმოჩენამ შესაძლოა ახალი მიმართულებები შექმნას თავის ტვინის სიმსივნეებისა და სხვა ნევროლოგიური დაავადებების მკურნალობისთვის.